Нохчийн Республикин Кхерамзаллин Советан Секретара Кадыров Адама белхан кхеташо дIайаьхьира шен заместительца Абдрашитов Саламбекаца а, Кхерамзаллин Советан аппаратан куьйгалхочуьнца Мутушев Хьасайнаца а.
Цигахь дийцаре дира Нохчийн Республикин Мехк-Ден, Россин Турпалхочун Кадыров Рамзанан тIедахкарш кхочушдарца доьзна долу а, регионан Кхерамзаллин Советан координацин а, дагадовларан а органийн гIуллакхашна планировани йаран хьокъехь долу а гIуллакхаш.
Абдрашитов Саламбека хаам бира Нохчийн Республикин Мехк-Ден дерриге а тIедахкарш хаддаза тергонехь латтош хиларан а, билгалйаьхначу хенашкахь дIасатаIар доцуш, кхочушдеш хиларан а хьокъехь. Шен рогIехь Мутушев Хьасайна доклад йира кхочушдаран Iедалан федеральни органийн территориальни подразделенеша а, Нохчийн Республикин кхочушдаран Iедалан структураша а, ткъа иштта меттигашкахь шаьш урхалла даран органаша а цхьаьна гIуллакхдаран эвсаралла лакхайаккхарехьа бечу белхан хьокъехь.
Кадыров Адама билгалдаьккхина ма-хиллара, Кхерамзаллин Советан координацин а, дагадовларан а органийн протоколийн тIедахкарш кхочушдарна тIехь хаддаза латтош терго йу. Цо тIедиллира протоколийн сацамаш кхочушбарна тIехь терго латтор чIагIдар а, ткъа иштта республикин а, муниципальни а структураша цхьаьна гIуллакхаш дар жигардаккхар а.
«Нохчийн Республикин Кхерамзаллин Советан коьртачу декхарех цхьаъ ду республикин лартIехь дIадоьдучу дахарна новкъарло йан тарлуш болу муьлхха а кхерам йухатохар», – билгалдаьккхира Кадыров Адама.
Цо иштта дагадаийтира таханлерчу кхерамзаллин а, синтеман а тIегIане Нохчийн Республикин Хьалхарчу Президента, Россин Турпалхочо Кадыров Ахьмад-Хьаьжас йуьхьарлаьцна хилла политикин некъ а, оцу некъаца, цуьнан весеташ нийса кхочуш а деш, Нохчийн Республикин Мехк-Да, Россин Турпалхо Кадыров Рамзан схьавогIуш хилар бахьанехь кхаьчна хилар.
«Тахана вайн республика махкахь уггаре а кхерамзачех а, уггаре а хазачех а цхьаъ йу. Иза хьекъалечу, хьикматечу политикин, цIиндаран некъан тIаьхье йу», – аьлла жамI деш кхеташо йерзийра Нохчийн Республикин Кхерамзаллин Советан Секретара.
Оценили 7 человек