Нохчийн къоман библиотекехь «Шеран тоьлла студент» Xl-чу къовсаман жамӀаш дар дӀадаьхьна. ХӀора а шарахь Нохчийн Республикин интеллектуальни туьшо дӀахьош болу и къовсам, хӀокху шарахь Нохчийн къоман историн а, историн хӀолламийн а, архитектурин а, культурин тӀаьхьалонийн а шарна лерина бу.
Оцу мехалчу хиламехь дакъалецира Нохчийчоьнан Парламентан депутаташа а, бевзаш болчу Ӏилманчаша а, лакхарчу дешаран хьукматийн хьехархоша а, студенташа а.
Нохчийн Республикин Парламентан Председателан заместитела, НР-н интеллектуальни туьшан председатела, филологин Ӏилманийн доктора, профессора Хазбулатов Бекхана дийцира къовсам дӀабахьарх а, цуьнан мехаллех а лаьцна.
«Таханлера хилам вайн тӀекхуьчу тӀаьхьенна а, церан дай-наношна а, хьехархошна а чӀогӀа мехала бу. Вай билгал бохуш бу къовсаман лауреаташ а, номинанташ а.
Нохчийн Республикин Мехк-Дас Кадыров Рамзана дӀакхайкхийначу Нохчийн къоман историн а, историн хӀолламийн а, архитектурин а, культурин тӀаьхьалонийн а шо тидаме а оьцуш НР-н интеллектуальни туьшо «Къона историк» аьлла дакъа а йукъа далийна», — аьлла Хазбулатов Бекхана.
«Къона историк» декъан лауреаташ:
НПХьУ-н филологин а, историн а, бакъонан а институтан 5-чу курсан студент Войсуев Ризван;
Кадыров Ахьмад-Хьаьжин цӀарахчу НПУ-н историн факультетан 3-чу курсан студентка Сантхаджиева Хеда.
«Нохчийн меттан къона говзанча» декъан лауреаташ:
НПХьУ-н филологин а, историн а, бакъонан а институтан 4-чу курсан студентка Пуцаева Хеда;
Кадыров Ахьмад-Хьаьжин цӀарахчу НПУ-н филологин факультетан 4-чу курсан студентка Висаитова Линда.
«Дешар Ӏаморехь кхиамашка кхачарна» декъан лауреаташ:
ГГНТУ-н терахьийн экономикин а, технологин совдегараллин а институтан 3-чу курсан студентка Абубакарова Дагмара;
Кунта-Хьаьжин цӀарахчу РИУ-н шариӀатан Ӏилманийн 5-чу курсан студент Льянов Къурайш;
НПХьУ-н филологин а, историн а, бакъонан а институтан 4-чу курсан студентка Дадаева Хьава;
Кадыров Ахьмад-Хьаьжин цӀарахчу НПУ-н юридически факультетан 3-чу курсан студентка Хамаева Элита.
«Ӏилманан балхахь кхиамашка кхачарна» декъан лауреаташ:
ГГНТУ-н мехкадаьттан а, газан а институтан 4-чу курсан студент Саинов Бексолта;
НПХьУ-н физикин а, математикин а, хаамийн технологийн а факультетан 4-чу курсан студентка Муруева Танзила;
Кадыров Ахьмад-Хьаьжин цӀарахчу НПУ-н медицинин институтан 6-чу курсан студентка Абдулхакимова Амина.
«Шеран тоьлла студент» декъан лауреаташ:
ГГНТУ-н хаамийн технологийн институтан 1-чу курсан студентка Чантиева Иман;
Кунта-Хьаьжин цӀарахчу РИУ-н шариӀатан Ӏилманийн факультетан 5-чу курсан студент Нагаев Мохьмад-Ӏаьрби;
НПХЬУ-н естествознанин факультетан 5-чу курсан студентка Белалова Хьава;
Кадыров Ахьмад-Хьаьжин цӀарахчу НПУ-н юридически факультетан 3-чу курсан студентка Юсупова Линда.