Нохчийн Республикин дешаран а, Ӏилманан а министерствос шен телеграм-каналехь хаам беш
ма-хиллара, хьаьттан беттан 12- чу дийнахь чекхбаьлла «Россин инклюзиван тоьлла школа-2024»
Йерригроссин ХI-чу конкурсан регионан мур.
Конкурс дӀахьош йу Россин Федерацин серлонан министерствон дӀадолорца. Конкурсан регионан
мур вовшахтохар а, дӀабахьар а тӀедиллина дара конкурсан регионан оператор хӀоттийна йолчу корматаллин кхитӀе а долчу дешаран «Психолого-педагогикин, медицинин а, социальни гӀоьнан Республикин
туш» пачхьалкхан бюджетан организацина. Конкурс дӀайахьаран Ӏалашо йара школел хьалхарчу а, йуккъерчу
йукъарчу а дешаран организацешкахь дешар йукъадалор жигара даккхар а, шаьш къаьстина йолчу
йукъарчудешаран организацешкахь (коррекцин школашкахь) инклюзиван
дешаран организацешна методикин гӀолацар а, берийн садаӀар а, могашалла меттахӀоттор а вовшахтохар, и
болх дӀахьош инклюзиван садаӀаран а, могашалла меттахӀотторан а дакъошкахь долчу зеделларг йукъадалош
цунах пайдаэцар а, пайдехь долу зеделларг довзийтаран а, инклюзиван практикашна-технологешна трансляци йар а. Конкурсан регионан муьрехь «Нохчийн Республикин инклюзиван тоьлла
берийн беш» номинацехь тоьлла № 3 йолу «Мечта» берийн беш. Ткъа
конкурсан «Нохчийн Республикин инклюзиван тоьлла школа» номинацехь тоьлла Соьлжа-ГӀалин № 5 йолу
гимнази. «Нохчийн Республикин йукъарчу инклюзиван дешар кхиорехула ресурсни тоьлла организаци» номинацехь тоьлла къорачеран а, хазар ледара долчеран а йукъарчу дешаран леррина
йолу (коррекцин) школа-интернат. «Россин инклюзиван тоьлла школа-2024» Йерригроссин ХI-чу конкурсан регионан муьран толамхоша вайн республика йовзуьйтур йу конкурсан федеральни тIегIанехь заочни
кепара дӀахьочу муьрехь. Конкурсан федеральни заочни мур товбецан
4-чу дийнера 25-гӀа де тIе кхаччалц дӀабахьа лерина ду.
Конкурсан регионан муьран финалисташ декъалбина Нохчийн Республикин дешаран а, Ӏилманан а министерствон куьйгалло.
З.ЭЛЬДАРОВА