Товбецан беттан 8-чу дийнера 14-гӀа де тIекхаччалц СоьлжаГӀалахь дӀахьур йу Къаьмнийн театрийн Йерригроссин «Федерация» V-гӀа фестиваль.
Х.Нурадиловн цӀарахчу къоман драмин театран а, Ю. Лермонтовн цӀарахчу оьрсийн драмин театран а, Къоначу
хьажархочун театран а сценаш тӀехь тоьлла 13 спектакль гойтур йу фестивалан дакъалацархоша, Россин тайп-тайпанчу регионашкарчу къаьмнийн театраша. Р о с с и н т е а т р и й н гӀуллакххойн Союзан сайта тӀехь иштта билгалдаьккхина: «Товбецан беттан 8-чу дийнера 14-гӀа де тIекхаччалц Нохчийн Республикин пачхьенехь, Соьлжа-ГӀалахь дӀахьур йу Къаьмнийн театрийн Йерригроссин «Федерация» V-гӀа фестиваль. Фестиваль дӀахьочу 7 дийнахь Нохчийн Республике схьагуллур йу Россин тайп-тайпанчу регионашкара театраш. Уьш йу: ГIезалойн,
Дагестанан, Башкортостанан, ГIебартойн-Балкхаройн, Комин, Хакасин, Якутин (Саха), Адыгейн, Мари-Эль, Нохчийн Республикин, Оренбурган, Къилба ХӀирийчоь республикийн театраш. Ламасте дирзина ма-хиллара, оцу театрийн труппаша шайн-шайн къоман меттанашкахь 13 спектакль гойтур йу».
Фестивалан экспертни совето гайта схьахаьржинчу спектаклаша йовзуьйтур йу Россин а, дозанал арахьарчу а халкъийн къаьмнийн драматурги. Афишашна тӀехь дуьненан а, оьрсийн а классикийн, кхузаманан авторийн спектаклийн интерпритацеш гайтина.
Фестивалан культуриндешаран программина йукъахь хир йу: къаьмнийн театрийн режиссерийн лаборатори,
мастер-классаш, бевзаш болчу нехан къамелаш (public talks), кхоллараллин цхьаьнакхетарш, горга стоьлаш, режиссерийн дискусси-батлаш, сценин къамелехула йолу консультацеш, кхидерг. Масала, фестивалан гурашкахь кхоллараллин цхьаьнакхетар дӀахьур ду, фестивалан хьажарехула йолчу исбаьхьаллин советан председатела, Россин Федерацин халкъан артиста Галибин Александра. Цул сов, хьовсархошна гойтур йу РСФСР-н
халкъан артиста Исрафилов Рифката куьйгалла деш, Россин театрийн гӀуллакххойн Союзо къоначу режиссерашна кхоьллинчу лабораторина беркате хилла, Дабагов Романа хӀоттийна «Десте Саманашвили». И спектакль М.Горькийн цӀарах йолчу Оренбурган областан драмин театрехь лакхахь хьахийначу лабораторехь Нальчикера кхайкхина хилла волчу Дабагов Романа хӀоттийна. Дагадаийта лаьа «Федерация» I-ра фестиваль СоьлжаГӀалахь 2019-чу шарахь дӀайаьхьна хилла хилар а, къоман «Культура» проект кхочуш а йеш, Россин Федерацин культурин министерствон а, Россин театрийн гӀуллакххойн союзан а дӀадолорца Нохчийн
Республикин Мехк-Дас а, Нохчийн Республикин Правительствос а, Нохчийн Республикин
культурин министерствос а доккха гӀо-накъосталла лоцуш дӀахьош хилар а. Хьалхара «Федерация» фестиваль Россехь Театран шо долуш дӀайахьна а, тӀаьхьо федеральни статус йолуш хӀорашеран фестивальхилла чӀагӀйелла а йу.
З.ЭЛЬДЕРХАНОВА